Omar
عندما كانت ساكنة اسفي تشرب من مياه واد ام الربيع المصفى لم يكن هناك انقطاع الماء الا في بعض الاحيان اما الان فتصفية مياه البحر و ضخها عبر قنوات تصريف المياه و توزيعها على عدة شبكات لتصل الى المواطن ليستعملها في الشرب و اغراض اخرى رغم انها لا زالت تحتوي بعض الملوحة و تغيير الذوق هذه المصفاة داءما ما تتوقف عند المد و الجزر و ارتفاع الامواج و العواصف و سوء الاحوال الجوية هذا ان دل على شيء فإنما يدل على ان جودة المياه تغيرت و السؤال المطروح لماذا نؤدي فاتورة المياه كلها و نحن نشرب ماء البحر اديال الله سبحانه و تعالى حتى الاوكسجين مستقبلا ماكرهوش ابيعوه المواطن .
Omar
#توضيح للوضعية لي فيها أوصيبي و المدينة و علاش ماغاديش يكون الماء اليوم. بسبب الرعدة لي ضربات الصباح تحرق المولد الرئيسي ديال لوزين و بالتالي لوزين حابس حاليا و معاه طبعا تا محطة التحلية و لي منها كايشرو ناس آسفي .. هدشي خلى مسؤولين كبار ديال المكتب الشريف يكونو حاليا في آسفي باش يتدارسو كل الحلول الممكنة سواء الحلول الفعلية او حتى ترقيعية #الوضعية مثيرة للقلق داخل المجمع الشريف للفوسفاط، الحريق لي وقع في المحول المزود لمحطة التحلية أذى إلى شلل في هد المحطة و بالتالي راه محطة التحلية غادي توقف … و هدشي غادي يكون كارثي على المدينة .. #حسب بعض المصادر حاليا كاين محاولات انو التشغيل ديال محطة التحلية يكون من ماروك شيمي و هي محاولة تقدر تصدق تقدر تفشل … و في نفس الوقت لانو أوصيبي في استثمارات بالملايير فلابد انو لوزين يخدم و بالتالي خاص التزويد يشدوه ديريكت من ONE … نتمناو انو يلقاو الحلول في اقرب وقت. #مياه #التحلية حاليا غادي توقف و في أحسن الأحوال ممكن انو تبقى اسفي بدون ماء لمدة نصف يوم حسب بعض المصادر و نتمناو انو مايزيدش كثر يا رب #الخلاصة القضية راها صعيبة و الناس خدامين انهم يلقاو الحلول … الكل مجند و خدام انو يتحل المشكل سواء ديال لوزين باش يخدم سواء ديال محطة التحلية باش نلقاو ما نشربوا فها العار باراكا من المزايدات و الركمجة و تصفية الحسابات راه الوضع ماعاد يتحمل.
امحريك عمرMhirig Omar
تعليقات
0